رحلت الى السماء.. بقلمي

تفتح ساره البوم صورها وترى صورتها حين كانت في الصف الاول الابتدائي هي وابنة خالتها سميه كانو في نفس الصف ..
وتذكرت ساره تماما ماجرى بذلك اليوم ..
تذكرت انها اضاعت شريطة شعرها فقامت ابنة خالتها وقالت لها سارونه قلبي خذي حقتي انا ماابيها
وقامت سميه وقصت الشريطه بينهم .. فكانت جدا قصيره وجلست تضحك على الصوره
وقالت الله ياسميه مااحلاك من وانتي طفله قلبك ابيض وتحبي الخيرللكل ..
كانت سميه تحب ساره وكأنها اختها وكل شيء تأكله خبي لساره منه
كانت ساره جميله اما سميه كانت متوسطه الجمال بس كانت حبوبه بقووه
قلبها طيب وقريبه للكل ,,,,
مرت الايام وكبرت سميه وكبرت ساره
وهم مايفترقون ولابيوم ,,
لكن ...(؟؟
لمن صارو بأول ثانوي
في يوم كانت سميه جالسه بصفها بمريولها البني
وشعرها الحريري طايح على وجهها وجالسه على كرسيها وحزينه كانت ساره تجلس جنبها من يومهم بأول ابتدائي
طالعتها ساره .. قالت " سوسو حبيبتي شو فيك اول مره اشوفك حزنانه كذا
قالت ها لاولاشي .
والدموع بعيونها ..قالت سوسو انتي ممكن تخبي ع الكل بس ماتخبي ع سارونتك ياعمري
رفعت راسها سميه وكانت دموعها مغطيه وجهها
.. قامت ساره ضمتها وجلست تبكي سميه بحضنها ...
قالت اشفيك حبيبتي
قالت ساره انا بفارقكم حاسه بفارقكم ,,,
قالت ساره وش قصدك سوسو
قالت سميه مااعرف بس احس اني بروح
واخلي امي وابوي واخواني وكل الي حولي وكل الي احبهم ..
حتى انتي ياسارونتي حتى انتي ..

ساره قالت يمكن هي شايفه كابوس اوشي ..
قامت قالت لها حبيبتي سميه الحين الابله بتدخل امسحي دموعك وكأ، مافيه شي ..
لو تحبيني انسي السالفه ..
قامت ساره مسحت دموع سميه
قالت اتفقنا ..
قالت سميه اوك "
[color=black] وحاولت سميه تنسى بالفعل رغم الاحساس الي داخلها
بس عشان ماتضايق ساره مجرد صفرت الحصه تطالع ساره جنبها باقي تبي تسأل سميه عن سبب حزنها
ومعنى كلامها ..الا الكرسي فاضي تناظر الاوسميه رجعت لشطانتها وواقفه عند الباب ..
ضحكت وقالت الله يديم عليك السعاده ..يارب
وراحت تركض وراها ونادتها سوسو قالت هلا سارونه
قالت يالعياره وين الي قبل شوي تبكبك [/color]
قالت ها ولا شي بس اخوي ناصر تهاوش مي ونكد علي فحبيت ابكي افضفض ..
قالت خلاص انسي ..
ساره نست السالفه ومشت الايام وجت اجازه نص الفصل الي اهي اسبوع ويرجع الدوام
وكانت سميه مستانسه مره وتبي تطلع الهبال الي براسها وتودع صديقاتها
كانت سميه جايبه معها روج وقالت لصديقاتها نبي نحط كلنا منو ونقعد نستهبل في الساحه ...
وكان لون الروج فاقع بس عشان تلفت الانظار
حطت هي وصديقاتها وكانت مستانسه هي وساره وشلتهم
ويلعبون ومسوين ازعاج بالساحه
دخلت عليهم ابله المناوبه ابله منى
وهزئتهم وقالت منتو عارفين المكياج ممنوع واخذت الروج منهم وقالت من جابه
قالت سميه قالت انا
قامت هزئتها لين بردت خاطرها سميه ماتأثرت بس طلعت الابله رجعت تلعب
.. كانت حقا طفله بريئه ماتزعل من احد ولاتزعل احد ..
المهم انتهى اليووم ..
وجااء اول يوم دراسه الكل يسأل وين سميه والله فقدناها
جاء الخبر ع الكل كالصاعقه
سميه ( ماااااااااااااااااااااااااااااااااااااتت)
وساره جالسه ع كرسيها وطاولتها وجنبها كرسي سميه وطاولتها بس مافيها سميه
فيها ذكرى سميه وريحة سميه وشخابيط سميه
كانت كاتبه ذكريات وكلام كثير لفت انتباه ساره كلمه ...
" احبك ياساره يااحلى اخت بحياتي سامحيني ياساره ادري بفارقكم بس موبيدي ..
بكت ساره وقتها وقالت الحين عرفت ليه سميه ذاك اليوم بكت بحضني كانت تودعني كانت عارفه انها بتموت
عارفه انها بتتركني
.. آه ياسميه ..
الاداره يوم شافو حالة ساره جاو بياخذون طاولة سميه من الفصل عشان ساره ماتتعب كل ماتشوفها
جلست ساره تبكي وتصيح وتقول لا .. طاولة سميه لا
تكفون لا ..
الموت خذاها غصب بس لاتأخذون ذكراها
تكفون لا ,.


راحت سميه
راحت من مدرستنا وراحت من دنيانا
بس راحت لرب ارحم مننا بها ..
ماتت سميه بس بقت ذكراها الحلوه مزحها ,, برائتها ,, وحبها لكل الناس

الله يرحمك ياسميه ويجعل قبرك روضه من رياض الجنه

قصه واقعيه عشت بنفسي احداثها ...