منتديات طيف الجنوب

 
الرئيسيةس .و .جبحـثالأعضاءالمجموعاتالتسجيلدخولدخول اعضاء

شاطر | 
 

 كل المواعيد عقبك شمعها طافي

اذهب الى الأسفل 
كاتب الموضوعرسالة
جٍنٍوٍبٍيٍ
 
 


المهنه : غير معروف
مزاجك اليوم : عادي
اوسمه
الجنس : ذكر
عدد المساهمات : 30
نقاط : 105
تاريخ التسجيل : 28/05/2011
mms

مُساهمةموضوع: كل المواعيد عقبك شمعها طافي   الثلاثاء مايو 31, 2011 1:49 am

من عز نومي صحيت وشفت في عينـي
دمع تهادى علـى جفنـي وأنـا غافـي

ستـرت دمعـي بكمـي قبـل يغرينـي
وأخذت هذا الجسد مـن باقـي لحافـي

وسريـت تايـه ورا خطـوات رجلينـي
لا الوجه وجهي ولا أوصافي هي أوصافي

أمشـي وأقـول لطريقـي لا توديـنـي
لعيون ناس تبي تـدري عـن الخافـي

أمانتـك.. خلهـا مـا بينـك وبيـنـي
خابرك يالـدرب خـوة عمـر وسنافـي

مـا ودي النـاس تـدري وش يبكينـي
كرامة النفـس ورث أبـوي وأسلافـي

وحيـد واللـيـل بـردونـه يغطيـنـي
تقـول كـن البلـد روح بهـا السافـي

إلين ما أوحيـت لـي صـوت ينادينـي
صوت أعرفه مثل ما أجهل وش خلافـي

قمـت أتلفـت وانــادي لا تخليـنـي
ما غيره.. الصوت هذا صوتـه الدافـي

ولمحت زوله من أقصى الـدرب لافينـي
مدري وش اقول لكن حـي هـا اللافـي

تعال.. شف غيبتك كيـف أثـرت فينـي
تعال.. شفني وأنا أغرق عقب مجدافـي

تعال.. خذنـي ورحبـي مـن عناوينـي
تعبت أعدي على جمـرك وأنـا حافـي

تعال واقطف بصوتـك زهـرة سنينـي
كـل المواعيـد عقبـك شمعهـا طافـي

تعـال وازرع خصـل شعـرك بكفينـي
بضمهـا ليـن أحـس بليلـك الظافـي

تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي

حتى بديت أشعـر أن الحـب معمينـي
وان أنت حلم عثى فينـي وأنـا غافـي

لكن أمانـة تـرى اللـي فـي كافينـي
إن رحت منك كذا مـا رحـت متعافـي

بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي

أمانة الله عليك إن غبـت عـن عينـي
لا يكون قلبك مثل قلـب الزمـن جافـي

مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي






للشاعر,, فهد المساعد
سعودي سعودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كل المواعيد عقبك شمعها طافي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طيف الجنوب :: المنتديات الأدبية :: ملكوت القصيد ..-
انتقل الى: