منتديات طيف الجنوب

 
الرئيسيةس .و .جبحـثالأعضاءالمجموعاتالتسجيلدخولدخول اعضاء

شاطر | 
 

 سعد علوش >> كل عام وأنت بخير

اذهب الى الأسفل 
كاتب الموضوعرسالة
هـيـمـو
 
 
avatar

المهنه : غير معروف
مزاجك اليوم : مستمتع
اوسمه وسام الابداع
الجنس : ذكر
عدد المساهمات : 250
نقاط : 1096
تاريخ التسجيل : 26/03/2011
mms

مُساهمةموضوع: سعد علوش >> كل عام وأنت بخير    الجمعة يوليو 29, 2011 11:15 pm

جمرنـي ابدفـى مـن التجميـر

وبفـرح ولـو النـفـس نـقـاده

ياشهر تسعه جعـل مابـك ظيـر

بـك يـوم ميـعـادي بميـعـاده

جبه وجبني صـب ذايـب ميـر

معـاه خاتـم شــوق وقــلاده

ووجه رسايـل دعـوة وتحذيـر

لشياءنـا الـي غـيـر معـتـاده

لأحلامنا الواجد..عـن التحريـر

وقصـة سجيـن يحـب جـلاده

ووسائـل التشـويـق والتأثـيـر

والشعـر بوصـولـه وبأبـعـاده

والغيم..وزخات المطـر والطيـر

وبخـار فـم الـبـرد وقـنـاده

وسيُـد جنيد...وسيـدة كارتـيـر

وبكـلات ليـلٍ يشقـر اسـواده

والقبعه ... والمعطـف الحريـر

والنادلـه ...والقهـوة الـسـاده

والمرحبـاه الـي لهـا تخـديـر

وقلم .. ودفتر سلـك .. ووسـاده

والنمل .. والنسناس .. والنويـر

وابوعلـي واجــداد اجــداده

وابوعمر ... والسايـس الفقيـر

وجناينـي الشتـلات ابـوغـاده

والصبر ... والفراش ... والتقدير

وبنـات كــل الـحـي وأولاده

في شارعـه يتجمعـون عصيـر

للتهنئـه فــي عـيـد مـيـلاده

ولا خلص التصفيـق والتصفيـر

من كـل مجموعـة طلـع قـاده

وقالـوا رجـاءٍ مانبـي تأخـيـر

ردو ورانـا بــذوق وإجــاده

مع بعض ...كل عام وانت بخيـر

ياغـلا البشـر ياسيـد الـسـاده

تكفى وسامحنـا علـى التقصيـر

والله يـزود بعـمـرك اعـيـاده

وانا اللـي احبـك محبـه غيـر

مـن قلبـي وفــودة افــواده

كل عام وانت بخير وانـا بخيـر

وكل عـام وانـا احبـك بزيـاده

وكل عـام وانـا اكافـح التغييـر

وكل عام ولا انتب علـى العـاده

وكل عام وانـا امـوت التفكيـر

واحـبــك بـإصــرار واراده

وكل عام ودموعي عليـك تحيـر

وهـذي السنـة بالـذات هـداده

وكل عام تكبر بـه تـرد صغيـر

كأنـك تسـوي لوجهـك اعـاده

ياكبدي الـي معـك كبـد بعيـر

مــرددن غـاربـه لـشــداده

وياحـب قلبـي لقلبـك الشريـر

الابيـض الـي عنـاده عـنـاده

سياسـة التوطـيـن والتهجـيـر

ماخـلـت الفقـيـر فـبــلاده

والله وكبرنـا والامـانـي بـيـر

مـصـداره يشـابـه المـيـراده

"سبعة وعشرينك" عساها تصيـر

ميه علـى عـز وعلـى عبـاده

ياحبـي الاول ويــا الاخـيـر

اللـي قديـمـه ورث اجــداده

كل عام وانت بخير وانـا بخيـر

واشيـب وانـا احبـك زيــاده


الطفل عندما تقذفه في السماء
يضحك؟؟

لأنه يعرف أنك ستلتقطه ولن تدعه يقع
((((تلك هي الثقه))))
فلو رمتك الأقدار
فستلتقطك رحمة ربي قبل أن تقع
((((فثق بذلك))))


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tefaljnob.yoo7.com
 
سعد علوش >> كل عام وأنت بخير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طيف الجنوب :: المنتديات الأدبية :: ملكوت القصيد ..-
انتقل الى: